Tgi che sa rumantsch sa dapli
jacomet.ch
Ils implants da skis da Zuoz èn en ina miseria finanziala. Las sutgeras da Zuoz spluntan perquai tar la vischnanca da Zuoz e dumondan in emprest senza tschains da 4,5 milliuns francs per pudair schliar ils acuts problems finanzials. Ils da Zuoz decidan a la radunanza communala da damaun a saira davart la dumonda d'emprest da las sutgeras da Zuoz.
Reuters
La banca Credit Suisse (CS) survegn a la bursa la quittanza per sia annunzia da stritgar en la Gronda Britannia 650 plazzas. Al cumenzament dal commerzi da la bursa Svizra ha il titel da la CS pers 4,9 pertschient. La CS vul stritgar 10 pertschient da sias plazzas en la Gronda Britannia, quai tuttas plazzas en il sectur da l'Investment Banking.
Reuters
Nicole Pétignant è sa retratga cun vigur immediata sco arbitra. Pétignant, ch'ha 42 onns, ha arbitrà ils ultims 9 onns en la pli auta liga svizra. Ella è stada l'emprima dunna ch'ha manà in gieu da la Cuppa Uefa dals umens. En sia carriera ha ella er arbitrà il final dal campiunadi mundial da las dunnas l'onn 1999. Sco Pétignant di, haja ella ponderà bain la decisiun da chalar. Quella vegnia en il dretg mument.
| Musica on air | Live |
|
11:08 Tina Turner - It Would Be A Crime - 11:12 R. e. m. - Losing My Religion
| |
